حالة انبعاص

البنت بتقول انها صارلها اسبوع في حالة ثورة
اسبوع في مخيم حزبي بتتعلم تثور وبتتعلم عن القضية
طب جاي تحكيلي ليش؟
حتى أثور؟
انا بدون مخيم حزبي، دايما في حالة ثورة، متولدةمن حالة الانبعاص الدائمة اللي عايش فيها
بفيق على بعصة وبنام على بعصة
حالة انبعاص مستمرة
حالة انبعاص من البنت لأنها هبلة ومعتوهة
حالة انبعاص من الأحزاب والحركات كلها التي سواء كانت ايديولوجياتها جيدة او بتخري، بتمشي خلف المصالح الشخصية لقياداتها وبتفوت في دهاليز سياسية ضاربة بعرض الحائط كل الأسس والقيم الوطنية
حالة انبعاص من الموت اللي بيضل ياخد الأخيار وبيترك الأشرار
حالة انبعاص من الحياة اللي كل ما بحطلها مخطط بتبعصلي أبوه
حالة انبعاص لأني بدون مخطط مش عارف أنا بعد سنتين في اي قارة حكون
حالة انبعاص لأني بصلي " الهي أعدني إلى وطني عندليب" وبغني "عندما نرجع كالريح إلى منزلنا" وأنا مش متأكد انه الهي سيستجيب لي
حالة انبعاص لأني اخترت أعمل حالي مثقف وأطلع عكتير ايديولوجيات وبعدين أعمل حالي نيئة وما تعجبني ولا وحدة، وبالتالي أبعد حالي عن الأحزاب، فما يكون عندي حزب يوديني عمخيم حزبي أتدرب عسلاح
حالة انبعاص لأني بسبب هاد الاختيار أنا دايما اصنف اني "مع التانيين"
حالة انبعاص لأنه محمود درويش مات، ولأني مبعوص عليه لأنه مات رغم إني كنت مبعوص منه وهو عايش
حالة انبعاص من الجنس اللطيف كله لأنه كل فرد في هذا الجنس بيمثل جنس لحاله، وبالتالي يستحيل علميا إنه شاب متلي يفهم هاد الجنس شو بده، غير إنه هاي الأجناس اللطيفة أصلا مش عارفة الله وين حاططها
حالة انبعاص لأنه مديري في الشغل طرد زميلي لا لشيء إلا لأنه درزي
حالة انبعاص لأنه دوام الشغل من ال8 طيز الصبح لل5 الظهر وما في استراحة غدا
حالة انبعاص لأنه السياسة صارت مملة وما فيها سسبينس
حالة انبعاص لأنه الظاهر النزاع في جورجيا حينتهي بمفاوضات،، يعني للأسف روسيا وأميركا مش حيضربو بعض نووي وينهوا العالم زي ما أنا كنت بتمنى
حالة انبعاص لأني لسبب ما وجهي عميقشر وبيرجع للونه الطبيعي وبيخسرني البرونزاج والإسمرار اللي أجمعت الأجناس اللطيفة انه أحلى وبيطلعني سكسي،، لطيز القرد
حالة انبعاص لأني بحب العربي الفصحى بس لأني مبعوص أكتب بمزيج من الفصحى والعامية ما يولد مزيدًا من الانبعاص